Here's a list o devices a uise tae play certain formats.
It's a braw stairtin player, an fur casual listeners sic as massel. Ye kin hook it up tae yer PC an listen tae records while daein yer wirk. Thit's whit a maistly uise it fur.
Whit a luve maist aboot it is the automatic featurs. Ye kin juist press play, an it'll spin the disc, lift the airm up, an pit it doun on the richt spot, an it'll pit it back efter the record is duin. Am a sucker fur hings like that an luve seein it ivery time!
The last cassette deck bein made bi a reputable tech company, still. It's really guid fur a modren deck! The quality is superb, an is perfect for daein mixtapes!
The last cassette Walkman thay pit oot. It's fine. Plays great compared tae players ye git nouadays, tho that isnae a heich baur.
Wan problem wi it is thit thare's nae wey tae turn it aff. Gin ye pit a battery in it an dinnae tak it oot, it will drain it ower time. A hiv tae tak it oot tae conserve pouer.
A great Minidisc player! It haes a USB port, an supports NetMD, meanin ye kin plug it up tae yer PC, an copy sangs ower tae it like ye wad an MP3 player!A daed an airticle on it afore.
This is an absolute beast o a VCR! A got this for £50 alang wi Bond VHS tapes, as ye kin see. It haes SCART in, thit's perfect fur makkin mixtapes! The quality is the best a'v seen oot a VCR, the pause is perfectly still, an supports frame advancin. The player generally feels like it can tak quite a batterin afore it noticies onyhing!
Ion isnae a brand maist fowk associate wi quality, but surprisingly, it's a competent VHS player. The quality is juist fine an pauses are nice an still. It's braw fur digitisin tapes an aw, s' a keep it aboot!
A low-end, barebanes laserdisc player, an the best a kin git the nou. It's basic, bit it daes the job. It's a hybrid PAL/NTSC machine, an plays baith CLV an CAV discs, an that's whit a wis efter!