Klonoa is a platformin series bi Namco featurin a cat/rabbit hybrid whaur ye captur enemies an uise thaim tae dae awa wi ither enemies an tae dooble jimp. It haes haed gemms pit oot fur the PS1, PS2, Wanderswan, GBA an the Wii.
Thay hiv thair ain fictional leid an aw, thit thay tawk wi the subtitles o the leid ye chyse, cawed "Phantomilian". Somb\'dy claimed thay feegurt oot hou the leid wirks, but someb\'dy\'s yet tae pit thegither a coorse on Memrise or suhin aboot it...
Klonoa is wan o ma favourite series iver, an am gaun\'ae git through aw the gemms an gie yese ma thocht oin aw o thaim, stairtin wi the console gemms.
Klonoa: Door to Phantomile (Klonoa: Door tae Phamtomile) wis pit oot on the PS1 in 1997 in Japan, an in 1998 in Europe. It's a 2.5D gemm, wi 2D sprites on 3D environs. The graphics leuk technically impressive an rins smuith-like oothrou the hale gemm. The music is amazin an aw, an a e\'en hiv the offeecial soondtrack on CD an Vinyl!
The gemm feel solid an fluent, the braw visuals an soonds really complete the gemm, bit it\'s anely 12 levels lang, 13 gin ye include the bonus ye unlock bi gittin aw the photie peices in ivery level. Thare is 6 tae collect in each one.
The story is awfu engagin an aw, an the endin actual haed me greetin! No gaun'ae spoil it, tho. Juist gie it a bash when ye kin. A thoroughly reccomend it! Gin ye kin git it a guid price, 'at is...
Klonoa 2: Lunatea\'s Veil wis pit oot on the PS2 in 2001 in aw regions. It wis in full 3D graphics-wise, bit the gemmplay wis maistly the same, bit it added snowboardin sections.
A wis first introduced tae Klonoa throu \'is gemm, whan a first got ma PS2 back in 2002. It came wi a demo disc, an it includit Klonoa 2. A fell in luve instant-like! Efter playin the demo ower mony times, a begged ma parents fur tae git us the full gemm, an efter months an months, thay finally got us a copy!
A mynd the day a got it, a wis cryin wan day thit a still didnae hiv the game, an than ma da went ahint the chair a wis sittin on, maw kivvered ma een, an da pit his airm ower ma heid tae reveal the gemm!
A mynd pure bein amazed at hou mazin the gemm leukit at the time, an the music wis pure bonny! Am actual listenin tae it the nou as a teep \'is! A beat the gemm, an 100%it it, an hiv bin a massive Klonoa fan fae \'at pynt!
It haes wey mair levels an aw. It impruives onn juist aboot ivery aspect o the first gemm, wi the exception o mibbie it bein a wee bit easier oweraw, bit it\'s still a wey better package!
Klonoa Beach Volleyball (Klonoa Beach Volleybaw) wis a spin-aff pit oot fur the PS1 in 2002 in Japan an Europe. This yin haes fou 3D graphics.
A'v got'ae admit, hivin a volleybaw gemm is a bit o an unco chyce, especially fur a franchise thit is obscure as it is, bit e'en as someb'dy thit disnae follae volleybaw, a hink the gemm is fun, the muisic is nice an atmospheric as uisual, an the graphics ur nice an charmin.
No much tae say ither n' 'at. It's volleybaw, ye jimp an hit the baw, aimin it at a pairt o the opponent's court. Ye git special muives thit guarantee, gin it hits an emty spat, tae win ye the pynt fur 'at round, an thay'r satisfyin tae dae, an luik cuil!
Whit am no a fan o ur the vyces. Klonoa soonds wrang tawkin a human leid, especially wi the inglis tuin thay gied him an Guntz.
Still, this is a fun yin!
In 2009, thay remade the oreegonal PS1 gemm ontae the Wii, updatin the graphics, makin thaim fou 3D an adding hings like motion controls an progressive scan. It plays maistly the same, if a wee bit easier.
A mynd bein pairt o the Klonoa commiunity onwab whan 'is wis comin oot. Fowk war hyped an we war aw speculatin ideaes an spreid rumours aboot it.
A didnae git it at 'e time, cause a wis stubbourn aboot juist playin retro gemms at 'e time, fur some raison. S' a missit oot an 'e gemm came an went. Appeareantly wioot a load o sales cause it's pure dear nou!
A managed tae git it fur a decent price, an played throu it. It wis fun. A compoetent remake. Graphics leukit braw, an it reuised the muisic an vyces fae the oreegonal, bit suhin felt aff aboot it. It didnae inspire 'at feelin o wonder an adventur the oreegonal gemms did.
Anither elephant in the room thit a sud kivver is the Inglis vyces. Aye, 'is gemm's vyces kin be chynged tae Inglis, an thay gied Klonoa a man's/braken vyce. Nae idea whit possesed thaim tae dae 'at, bit a juist uised the Phantomilian vyces.
'Is is still a fun yin, bit it seems tae hiv lost the charm previous Klonoa gemms haed. Or mibbie it's juist a'v awready played the oreegonal?
