Och Aye the News!

15/6/2021 A juist fun oot thit Firefox is nou available tae git in Scots! It's awfy braw tae uise an haes defo made ma day! Ye kin git it here!14/6/2021 Fur ma wirk on the Scots Wikipedia, a endit up winnin 'e awaird fur UK Wikimedian o the year 2021! A misst 'e ceremony itsel cause it wis sent tae a mailin list am no on, bit am awfae chuffed!10/6/2021 A finally got a Gopherhole set up! Yese kin fun it Here!5/6/2021 Haed a leuk at ma auld Dream Jurnal an haed a guid lauch readin back! A didnae see the pynt in it afore, bit a dae nou! A'll try an pit anither entry oot the morra!25/5/2021 Am back fae ma halidays! It was guid! While a wis awa, tho, Gemlog went doun, s' a haed tae chynge the host fur ma Gemini capsule tae Pollux21/5/2021 Am awa fur on haliday for 5 day! Awa tae a log cabin in 'e hielands! A'll be awa until Friday, s' yese willae see ony activity until than! See yese!21/5/2021 A pit thegither 4 RSS feeds fur the wabsite. 1 fur ivery leid am capable o writin updates in. Meanin am gaun'ae hiv updates an Gaelic an Italian as weel as Inglis as Scots. Maks pittin oot updates easier an mair steamlined an aw!18/5/2021 A'v fínisht ma Gaelic Hicher classes! Nou a hiv mair free time tae wirk on 'is site an ma gemms!17/5/2021 Efter a lot o hassle, a finally got the theme o ma site chynged tae leuk like MacOS 8/9! A hink it leuks brilliant!16/5/2021 A hiv a gemini capsule nou, an a finger an aw! See gin yese hiv the tuils/brousers, gie thaim a wee swatch!11/5/2021 Am pittin thegither a documentary fur a chairity/organisation am a member o as pairt o thair 20t birthday! Nivver duin a documentary afore, s' am daein ma resairch on hou tae, an a hink thit 'is will be great experience fur whan a dae ither hings an mibbie e'en fun wirk in the film industry!31/11/2020 A did a 2020 year retrospective, gie it a read27/11/2020 A finally got ma hauns on the Reboot gemm fur Christenmas, played throu it, an hiv gien ma thochts on the Reboot review page!22/11/2020 A entered an N64 Gemm Jam, teamin up wi a programmer an upmaker an we pit thegither a gemm cawed Telocation: Gemini, an we ended up winnin the hale hing! We got £160 prize money each! We'r howpin tae hiv a wee physical run an pittin it intae twa-three leid, includin Scots an Gaelic! We hive a page on speedrun.com, an aw!14/11/2020 The Dizember Scots Wiki Editathon is duin, here ur the results.8/9/2020 A decidit tae stairt dae reviews on 'is site. Am watchin throu ReBoot, an will dae a review o't in Scots thare! The nou, am pittin ower some reviews a did in Ingels ontae 'is site. It's pure easy an quick tae dae, sae a'll pit ower aw ma umwhile reviews thare!4/9/2020 A chynged the layoot o the site, inspirt bi sites av seen aboot NeoCities.4/9/2020 A pit in the ability fur uisers tae chyse whit leid ye kin see the site in. A ken thit a said a wis juist gaun'ae dae the site in Scots, bit a wis wintin tae shaw 'is site tae internaitional freends an aw, an haed tae pit thegither an Ingels version fur 'at. Scots is still gaun'ae be ma main focus, still, bit, dinnae fash!2/9/2020 The September Scots Wiki Editathon is duin, an a hink aw hings considert (The heat fae the controversey deein aff, daein the event on a weekday, an we haed nae AWB tasks tae dae), a hink it went weel! Am howpin we kin dae mair! Mibbie on a weekend nixt time, tho!27/8/2020 A'v updatit 'e aboot iz page, pit in aw the information am gaun'ae gie oot, an pit in a hale wheen o gifs an aw! A made a stairt on fillin oot the Portfolio page, shawin aff iverhing a'v duin. It's juist got hamebew gemm projects on it the nou, but thare's mair tae come!25/8/2020 A juist fun oot anent NeoCities, an wis excitit tae pit thegither a new wabsite styled like the yins a uised tae see in ma bairnheid!

Am gaun'ae dae aw 'is in Scots, wi mibbie some Gàidhlig, Italian, or whitiver leids a lairn here an thare. Thare ur ower mony sites oot thare in Ingels, sae nae pynt in juist blendin in. Mony Ingels spikkers kin unnerstaun Scots, aither wey.